وروستي

لویدیځوال، د خپلو وضعي قوانینو سره په جګړه کې

Welcome to Quransunnat.com Website لویدیځوال، د خپلو وضعي قوانینو سره په جګړه کې

لویدیځوال، د خپلو وضعي قوانینو سره په جګړه کې

دا چې انساني تفکر او ادراک تر یوه ټاکلي حد پوری توان لري چې د ګټو او زیانونو سنجش تر یوې مودې پورې وکړې خو د اوږدې مودي لپاره بیا یوازي الهی قوانین دی چې د بشر د سعادت او نیکمرغی ذمه واری اخیستلای شی، او دا موقت سنجش او پلان هم بیا کله کله د ګټې په ځای لوی زیانونه هم رامنځ ته کړي

د قوانینو په برخه کې هم دا ډول امکانات ډیر وي، په لویدیځ کې د ښځې د حقوقو موضوع په فرانسه کي د انقلاب او په اروپا کې له آزادۍ وروسته اوچته شوه چې د ښځو د مدافعو ټولنو ټولې غوښتنې پرته له دې چې ګټې او تاوانونه یې وسنجول شي په پراخ اکثریت ومنل شوي او په قانون کې ورته ځای ورکول شوی

یو له دې قوانینو څخه د میراث په برخه کې د ښځې او نارینه د حقوقو تساوی او په ملکیت کې شراکت دی، د لویدیځ د قانونه په اساس ښځه او نارینه له نکاح وروسته دواړه د نارینه په کور کې چې د هغه ملکیت دی سره شریکان دي کله چې ښځه او نارینه یو بل ته طلاق ورکوی نو ښځه د نارینه په کور کې نیمایی شریکه ده چې په ښکاره خو دا ډول شراکت د ښځې لپاره په اقتصادي برخه کي ډیر ګټور دی، خو د ملکیت په هکله او د نکاح په راتلونکي خپلې ناوړه اغیزي لری

لومړی دا چې کور نارینه جوړ کړی، هغه یې مالک دی، نو ښځه په تیاره سره د بل په ملکیت کې پرته له میراثي قوانینو ملکیت پیدا کوی، نو د ښځې لپاره ښه چانس دی، ځکه هسي هم په لویدیځ کې ښځې اونارینه ډیر وخت نه راسره تیروي او له څو کلونو وروسته یو بل ته طلاق ورکوی، نو دا چې اقتصادی موضوع په لویدیځ کې تر بلي هري موضوع ډیره مهمه ده ، نو ښځې کولای شي په څو کلونو کې د څو ازدواجونو او طلاقونو په کارولو د ښې اقتصادي لاسته راوړني جوګه شي ،همدا شان کولای شي په څو کلونو کې ښې ګټې او لاسته راوړنې ولری، خو بل لوري ته نارینه ته ازدواج او نکاح کول یوه لویه اقتصادی ضربه ده ،ځکه په هر ځل نکاح سره به خپل نیم کور له لاسه ورکوي ، نو په دې سره به نارینه کمزوری او ښځې پیاوړي شی

اوس په لویدیځ کې همدا لویه ستونزه ده ، ښځه حیرانه ده چې څنګه یو نارینه ومومي چې واده ورسره وکړی ، د نارینه موندل ورته نا ممکن کار ګرځیدلی ، نارینه له دی ویری چې که واده وکړم نو ښځه به مي طلاق واخلی او بیا به نیم کور را څخه وګرځوی، نو له ویرې د واده کولو څخه ډډه کوي …هسی خو هم هلته طلاق د ښځې او نارینه دواړو حق ګڼل کیږي

نو له دی کبله نارینه او ښځې مجبور شوي چې د خپلو جنسې غریزو د پوره کولو لپاره د واده کولو په ځای نوري لاری ولټوی، چې له دي لارو څخه یو هم د همجنس شخص څخه جنسی استفاده ده چې اوس ورته لویځوالو د مجبوریت له مخې جواز ورکړی

بله د حل لاره یې د ملګرتیا تړون دی،چې اوس (۶۰) په سلو کي ودونه په همدي ډول تر سره کیږي چې نارینه او ښځه یو له بل سره تړون کوي چې دواړه به واده او نکاح نه راسره کوي نکاح خو یو په بل حقوق لازموی نو د یوه تړون په اساس د ملګرتیا ګډ ژوند غوره کوي چې یو په بل د میراث او مالی ورکړي راکړي کومه ذمه واري نه لري ، بلکې یوازی یو له بل څخه جنسي استفاده کوي او بس

په دي صورت کي ښځه بیچاره مجبوره ده خپله ډوډۍ په ځپله ځان ته ومومي، او د راتلونکو اولادونو سرنوشت به یې هم محکمه معلوموي کیدای شي هغه هم د همدي بدمرغۍ د اوږو بار شي ….. نو په دی توګه لویديځ د ښځو د حقوقو په نوم هغه څه په ښځه منع کړل چې ددی بیچاره طبیعت او انسانیت یې غوښتنه کوي .. ښځه نور هلته نه ازدواج کولای شي نه هغه میراث اخیستلای شي کوم چې په اسلام کي ښځې ته ټاکل شوي بس یوازی د نارینه ؤ د موقتو جنسی غریزو د اشباع لپاره د یوې وسیلې په توګه کارول کیږي …له همدې لامله نن د لویدیځ ښځې تر ټولو زیاتي په یوه شي پسې لالهانده دی او تل یې په لټه کې دی …هغه یو نارینه چې واده ورسره وکړی …په فس بک کي ډیر ځله لویديځواله ښځه تر ټولو لومړی د همدي ورک شوي شي په لټه کې ده.. څنګه وکولای شی چې یو څوک ومومي تر څو واده ورسره وکړی …خپل حق او خپل طبعي ژوند ومومي
خو لویديځوالو قانون پوهانو او سیاستوالو پري دا لاره بنده کړي ..نو مجبورې دی چې له ناروا لارو خپله غوښتنه پوره کړي

په دی کار سره نور نو د تولد او تناسل سلسله کرار کرار له خنډونو سره مخ ده ، او په ډیرو نیژدي پیړیو کې به د اروپا سپین نژاد د تل لپاره له منځه ولاړ شي او ځای به یې اسیایی او افریقایی نژادونه ډکوي چې د همدي امله مجبور دي د نورو هیوادونو وګړي ومني او هلته یې ځای په ځای کړي تر څو یې له راتلونکو نسلونو د خپلو موخو لپاره او ددوی د بقا لپاره ګټه واخلی

په تأسف سره باید ووایم چې په اوسني وخت کي د افغانستان لپاره هم ځينې قانون پوهان او قانون جوړونکې اداری هڅه کوي همدا قانون په ډیر لنډ راتلونکي کې د افغانستان په قوانینو کي په ځینو نورو عبارتونو او ټکو سره ځای په ځای کړي او په همدی کار روان دی چې دا قانون د افغانستان د قوانینو برخه جوړه کړي

څرګندونه مو لاندې وليکئ

ستاسو برېښناليک خوندي دی.


*