وروستي

ایا د زیاتې قهوې څښل مو چاغوي؟

ژباړه: حمیدالله حمیدي

 مخکنیو څېړنو ښودلې وه چې ډېره قهوه څښل د وزن د کموالي لامل کېږي، خو اوس روغتیا پالان وایي هغه کسان چې د ورځې پنځه پیالې قهوه څښي د وزن له زیاتوالي سره سره یې د شکرې یا دیابت پر ناروغۍ هم اخته کولی شي.

د قهوې په اړه بېلابېل نظرونه شته؛ ځیني وایي هغو کسانو چې د وزن د کموالي لپاره یې غذایي رژیم نیولی وي، باید قهوه هم وڅښي معنا دا چې د قهوي څښل وزن کموي، خو وروستۍ څېړنې بیا وایي په زیاته اندازه د قهوې څښل د وزن د زیاتوالي لامل کېږي.

په اصل کې قهوه پر دواړو حالتونو کې خپل اغېز لري، خو اصلي خبره د قهوې په ډول کې ده چې په څه ډول تیاره شي او ترې ګټه واخیستل شي.

زه خپله  د ډېرې قهوې څښلو پلوی یم، خو اوس اوس مې په ذهن کې دا پوښتنه را ولاړه شوې چې ایا قهوه په رښتیا هم وزن زیاتوي؟

کله چې غواړئ د قهوې ګټې او تاوانونه وڅېړئ یو شی باید هېر نه کړئ هغه دا چې قهو هم یو ډول مخدر دي؛ ځکه هغه کسان چې د یو څه وخت لپاره قهوه وڅښي بیا یې نو بې له قهوې ژوند سخت وي.

که د ډېر وخت لپاره قهوه وڅښئ بدن او حواس مو په یو ډول ورسره تړل کېږي، ستونزه هله رامنځته کېږي چې خلک یې د ښېګڼو او بد ګڼو په اړه فکر وکړي.

په تېرو شلو کلونو کې چې کومه څېړنه پر چاغو کسانو شوې ده، اتیا په سلو کې یې د قهوې معتادین دي. روغتیا پالان وایي چې په زیاته اندازه د قهوې څښل د انسان وزن زیاتوي، خو که په ورځني ډول یو یا دوې پیالې وڅښل شي زهن به مو ارام او تمرکز به مو پیاوړی وي.

څرګندونه مو لاندې وليکئ

ستاسو برېښناليک خوندي دی.


*