وروستي

ځان او بل ته ضرر رسول حرام دي

له ابى‌سعيد سعد بن مالك بن سنان خدرى رضی الله عنه نه روايت دی چې رسول اكرم صلی الله عليه وسلم فرمايلي: «لاَ ضَرَرَ وَلاَ ضِرَارَ»([1]).

ژباړه : (په اسلام کې ) خپل ځان او بل ته ضرر رسول (حرام ) دي .

يعنې : مه خپل ځان ته ضرر رسوه او مه بل چا ته .

تشريح :

دا حديث شريف په دين کې يو ستر اصل دی ، ځينې کسان داسې وي چې ځان ته د ضرر رسولو په وسيله د بل څخه ضرر دفع کوي ، يعنې نورو ته ضرر نه رسوي خو خپل ځان ته ضرر رسوي ، او ځينې بيا د ځان د ګټې لپاره له خپل ځان څخه ضرر دفع کوي خو نورو ته ضرر رسوي چې دا دواړه حرام دي .

« لاَ ضَرَرَ » : خپل ځان ته ضرر رسول حرام دي .

« وَلاَ ضِرَارَ »: او بل چا ته ضرر رسول حرام دي .

[1]– حَدِيثٌ حَسَنٌ، رَوَاهُ ابْنُ مَاجَه وَالدَّارَقُطْنِيُّ وَغَيْرَهُمَا مُسْنَداً، وَرَوَاهُ مَالَكٌ فِي الـْمُوَطَّأ مُرْسَلاً عَنْ عَمْرِو بْنِ يَحْيَ عَنْ أَبِيهِ عَنِ النَّبِيِّr ، فَأَسْقَطَ أَبَا سَعِيدٍ، وَلَهُ طُرُقٌ يُقَوِّي بَعْضُهَا بَعْضًا.

شرح الأربعين النووية

څرګندونه مو لاندې وليکئ

ستاسو برېښناليک خوندي دی.


*