وروستي

ځوانه! که مېرمن غواړې دا شرطونه له ياده مه وباسه!

الله  تعالى فرمايي:

وَأَنكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمْ اللَّهُ مِنْ فَضْلِهِ وَاللَّهُ وَاسِعٌ عَلِيمٌ [ [النور: ٣٢ ]

“او ناواده هلكان او پيغلې، نيك غلامان او وينځې مو واده كړئ.  كه بې وسې وي نو الله تعالى به يې له  خپلې لورېMuslimCoupleنې  څخه ماړه كړي. د  الله  تعالى هر څه پراخ او په    هر  څه   ښه پوه دى “

ځوان بايد  د  ښځې په غوره کولو کې   لاندې شرطونه په
نظر کې ونيسي

۱ – رسول اکرم صلى الله عليه وسلم فرمايي: « تُنْكَحُ الْمَرْأَةُ َلأرْبَعٍ: لِمَالِهَا وَلِحَسَبِهَا وَجَمَالِهَا وَلِدِينِهَا، فَاظْفَرْ بِذَاتِ الدِّينِ، تَرِبَتْ يَدَاكَ » [متفق عليه]

”ښځه د څلورو ځانګړتياوو په   درلودلو   سره  په   نکاح کيږي: د  مال په وجه (چې  شتمنه  وي) د حسب په وجه  (ښه   قوم  او کورنۍ ولري) د حسن    په وجه   او جمال په وجه. کوښښ وکړه چې په دينداره ښځه باندى بريالى شې، لاسونه دې په خاورو ککړ شه (په  دې معنى چې غټه سرمايه دې تر لاسه کړه)“

۲-  بل ځاى فرمايي: «إِنَّ الدُّنْيَا كُلَّهَا مَتَاعٌ وَخَيْرُ مَتَاعِ الدُّنْيَا الْمَرْأَةُ الصَّالِحَةُ » [رواه مسلم 1468]

”دنيا  ټوله متاع  (د  فائدې  شى)  دى خو  غوره متاع  يې صالحه ميرمن  ده“

۳- بل  ځاى   فرمايي: «لِيَتَّخِذْ أَحَدُكُمْ قَلْبًا شَاكِرًا وَلِسَانًا ذَاكِرًا وَزَوْجَةً مُؤْمِنَةً تُعِينُ أَحَدَكُمْ عَلَى أَمْرِ الْآخِرَةِ »[رواه أحمد ” 5/282]

”بايد  هر  کس په تاسې  کې  شکر  ګزاره زړه، ذکر کوونکې ژبه  او مؤمنه ميرمن  چې     ده  سره  په اخروي کارونو  کې  کمک  وکړي، غوره کړي“

۴ – بل روايت کې  راځي : ”او  نيکه ښځه چې  تا  سره  ستا  په دنيوي  او  اخروي  کارونو  کې  کمک کوي، له هغو  ټولو  شيانو نه غوره ده  چې خلک يې راټولوي کوي“

۵ –  بل ځاى  فرمايي: « تَزَوَّجُوا اَلْوَدُودَ اَلْوَلُودَ . إِنِّي مُكَاثِرٌ بِكُمُ اَلْأَنْبِيَاءَ يَوْمَ اَلْقِيَامَةِ » [رواه أحمد وهو صحيح الإرواء 6/ 195]

”د  ډيرو   مهربانو،  مينه ناکو  او هغو ښځو  سره  واده  وکړئ چې ډير   بچي راوړي،  بيشکه زه   په ورځ د  قيامت د نورو  انبياءو په وړاندې ستاسې په زياتوالي افتخار کوم“

او همدارنګه فرمايي: «عَلَيْكُمْ بِالأَبْكَارِ ، فَإِنَّهُنَّ أَعْذَبُ أَفْوَاهًا ، وَأَنْتَقُ أَرْحَامًا ، وَأَرْضَى بِالْيَسِيرِ » وفي رواية ” أَقَلُّ خِبًا ” أي: خداعا [رواه ابن ماجة السلسلة الصحيحة 623]

”د  ځانونو لپاره پيغلې غوره   کړئ، ځکه هغوى خوږې خولې لري او   پاک رحمونه لري، او  په ډير لږ شي خوشحاله کيږي،  په بل روايت کې راځي : فريب او چل يې   ډير  کم وي“

څنګه   چې نيکه ښځه د نکمرغۍ  او  سعادت د څلورو اسبابو
څخه يو سبب دى،  بده  ښځه هم د  بد  مرغۍ او شقاوت د  څلورو اسبابو څخه   يو سبب دى. دا  خبره په صحيح حديث کې  واضحه شوې، د  حديث په ادامه کې راځي:

«فمن السعادة: المرأة الصالحة تراها فتعجبك، وتغيب عنها فتأمنها على نفسها ومالك، ومن الشقاء: المرأة التي تراها فتسوؤك، وتحمل لسانها عليك، وإن غبت عنها لم تأمنها على نفسها و مالك »[رواه ابن حبان وهو في السلسلة الصحيحة 282]

”او  د  نيكمرغۍ  له  اسبابو څخه،  يو سبب هم نيکه ښځه ده؛ چې په   ليدو   يې   خوشحاله شې، او کله چې له هغې نه لرې يا غائب شې،  نو د  خپل   ځان او ستا  د  مال په  اړه   امانتداره وي، او  د  بد مرغۍ د اسبابو  څخه يو  هم بده  ښځه ده  چې  کله ورته  وګورې، خوښ  دې نه   کړي  (خپه دې  کړي)، ژبه يې  تل پر تا حمله کوي، او که چيرې ترې  لرې يا  غائب شې، نو  پخپل   ځان   او   مال   باندې يې  امانتداره   نه   ګڼې“

او  د دې  په  مقابل  کې:  د  مرکې  پر  مهال کله چې يوه مسلمانه پيغله  ځان  ته  غوره  کيږي، دقيق  او  روښانه    نظر  ورته   لازم  دى،  او   بايد   لاندې شرطونه   په    نظر   کې   ونيول    شي:

رسول  اکرم صلى الله عليه وسلم  فرمايي: “«إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ عَرِيضٌ » [رواه ابن ماجه (١٩٦٧]

”هر  کله چې تاسې ته د  (مرکې) لپاره  داسې څوك   راشي چې له اخلاقو او دين نه يې   خوښ ياست، ورسره خيښي وکړئ، او که چيرې يې ورسره ونکړئ، نو په ځمکه کې به فتنه   او لوى فساد رامنځ  ته شي“

په مخکنيو مسائلو  کې، سمه پوښتنه، دقيق کوښښ، د  اطلاعاتو راټولول او د معلوماتو  توثيق له   معتبرو مصادرو  ضروري دي، تر څو  کور، د  فساد  او نړيدو لور ته لاړ نه  شي.

څرګنده خبره ده چې، نيک او صالح سړى د نيکې ښځې سره، د  نيک کور او کورنۍ بنسټ ږدي، ځکه پاکه او  سوتره ځمکه  د خپل پروردګار په اجازه او امر خپل فصل را اوباسي، او پليته ځمکه خپل فصل پرته د سختۍ  او پريشانۍ نه نشي    را  ويستلى.

“مسلمانه کورنۍ” له کتاب څخه

ليکوال :  محمد صالح  المنجد

ژباړن : حزب الله  “ناصح”

یادونه: په قران سنت کې خپرې شوي لیکنې یوازې د لیکوال خپل نظر څرګندوي، د ادارې توافق ورسره شرط نه دی. که تاسو غواړئ قران سنت کې مو لیکنه خپره شي، اړیکه راسره ونیسئ. مننه

څرګندونه مو لاندې وليکئ

ستاسو برېښناليک خوندي دی.


*