وروستي

اې اختره چې راځې زموږ پر کلي

غزل: رحمت الله نړیوال

راشه راشه یوه ښکلا در سره راوړه
د خوږمنو زړو دوا در سره راوړه

اې اختره! چې راځې زموږ په کلي
کونډو رنډو ته خندا در سره راوړه

راشه نور یتیمي اوښکې کړه را پاکې
و پرې شونډو ته مسکا در سره راوړه

دا د ظلم بربریت ټغر کړه پورته
تورتمونو ته رڼا در سره راوړه

د غمونو له انګړ مو را بهر کړه
د خوښۍ ډکه فضا درسره راوړه

ودې غوڅ مړاوي غزل د نړیوال ته
روح پروَر بادسبا در سره راوړه

څرګندونه مو لاندې وليکئ

ستاسو برېښناليک خوندي دی.


*