وروستي

چينايانو په ودانولو کې نوی ريکارډ خپل کړ

په چين کې د Broad Sustainable Building په نوم يوې ودانيزې کمپنۍ يوازې په 19 ورځو کې یوه 57 پوړيزه ودانۍ جوړه کړه. دا کمپنۍ وايي چې د نړۍ تر ټولو لوړه ودانۍ به هم يوازې په 90 ورځو کې جوړه کړي. دا نوې جوړه شوې ودانۍ اته سوه اپاتمانونه لري چې کابو 4,000 کسان به پکې واوسيږي. د ودانولو پر مهال په هره ورځ کې درې پوړه ودانۍ جوړه شوې ده او دا په نړۍ کې د ودانولو تر ټولو تېز ريکارډ دی. د ودانۍ دننه د هوا د پاکولو داسې سيستم ځای پر ځای شوي، چې کولای شي نسبت بهرنۍ هوا ته سل برابره پاکه هوا برابره کړي. همدا شان په کال کې د نورو ورته ودانيو په پرتله کابو 12000 ټنه کم کاربن‌ ډای اکسايډ توليدوي. په داسې حال کې چې دومره هوا موږ د 660,000 ونو په مرسته پاکولای شو. دېوالونه یې 20 سانتي حرارتي عایق لري چې د هر ډول هوا د داخلېدو او خارجېدو مانع ګرځي. دا ودانۍ د په ټولو انجينیري معيارونو پوره ده او د ټينګښت ټولې ازموينې پرې تر سره شوې دي.

د ودانيو جوړولو په دې ډول تخنيک او پرمختګ به د د نړۍ په سترو ښارونو کې د بې کورۍ او د ودانولو د وخت ستونزې تر ډېره بريده حل شي.

ساحې ته د موادو لېږدول
ساحې ته د موادو لېږد

کاري ځای
کاري ځای
د ودانۍ بنسټ
د ودانولو لومړی پړاو
د ودانولو دوهم پړاو
د ودانولو دریم پړاو
د ودانولو څلورم پړاو
ودانۍ د کارونې لپاره تیاره ده

څرګندونه مو لاندې وليکئ

ستاسو برېښناليک خوندي دی.


*