وروستي

د پل صراط حقیقت څه شي دی؟

لیکنه: عبدالسلام حنفي / قرآن سنت ویب پاڼه
په دنیا کي صراط المستقیم لار هغه سیده لار ده چې یوې او بلي خوا ته یې تجاوز کول انسان هلاکت ته غورځوي چي په آخرت کي به دا په حقیقي بڼه او شکل خلګو ته وښودل شي چې هغه پل صراط دی چې دا ډیره باریکه لاره ده چي د هغې څخه اخوا دیخوا کیدل او تجاوز کول په حقیقت کې په جهنم کې غوځیدل دي چي ټولو خلګو ته به په حقیقې ډول په نظر ورشي.
که په دنیا کي په مستقیمه لار تللی وي ، تر حد یې تجاوز نه وي کړی نو په پل صراط به هم سیده تیر شي او که په دنیا کي په سیده لار نه وي تللی او کوږ وږ شوی وي ، تر حد یې تجاوز کړی وی نو پر پُل صراط به هم تر حد تجاوز وکړي او په دې پُل به نه شي تللی  ځکه دغه لاره په حقیقت کي د دنیا د روحاني لاري یوه نمونه ده.
د پُل صراط په باره کې راغلي دي چي هغه به د ویښته څخه باریکه او نرۍ وي او د تورې څخه به تیره وي نو همداسي په دنیا کي د علمِ شریعت حال دی . پس په دنیا کي د شریعت  احکام د توري څخه تیره او د ویښته څخه باریکه دي.
مأخذ : د اسلام احکام د عقل په رڼا کې / تالیف: حکیم الامت مولانا اشرف علي تهانوي رحمه الله

څرګندونه مو لاندې وليکئ

ستاسو برېښناليک خوندي دی.


*