انځورګره ګونګټه څېښتن ته اوس ډالر ګټي

سپایک له خپل ښوونکي براینټ سره د جاپان په ناګانو کې اوسي. ګونګټې د اسیا مختلفو سیمو کې موندل کېږي، خو دا ډول یې له نړۍ د ورکېدلو په حال دی. براینټ له بي بي سي سره په خبرو کې وویل: “ډېره مینه ناکه او ځیرکه ګونګټه ده”. د ګونګټې “د ځانګړي ډول” له درلودلو سره یو شخصیت هم لري.

سپایک پر خواله رسنیو له هغه وروسته مشهوره شوه چې په ټوېټر کې یې کښلي انځورونه خپاره شول. براینټ وايي: “زه خپلو ملګرو ته د سپایک عجیب او غریب انځورونه لېږم، ما یوه رنګه (مارکر) ور ګوزار کړ، هغې واخیست، ما دا ټوکه وبلله، انځور مې یې خپور کړ، خو ډېرې ورځې خلکو خوښاوه.

تور سپایک رنګو( رنګینو مارکرو) سره د انځور ګرۍ پر کاغذ ګرځي او میناتوري نقاشي کوي او دا یې هم د خپلو هڅو پایله ده.

د سپایک انځورګرۍ ډېرو خلکو پرلیکه یا انلاین نړۍ کې خوښه کړې او ستایلې. ځکه براینټ یې پر ( اي بي) د لیلامولو پرېکړه وکړه. هلته د یوه انځور بیه ۱۳۰ ډالرو ته ورسېده. نوموړي د دې پیسو پنځلس سلنه هغې ډلې ته ور کړې، چې د دې ګونګټو د نسل ژغورلو هڅه کوي.

جاپان کې ماشومان دا ګونګټې د کورني خځنده په څېر خوښوي. براینټ وايي: “د دې ځاله کم لګښت غواړي، بس لږ نرم ځای غواړي او پر خارو کندلو بوختې وي”.

دا ګونګټې د نړۍ خورا ځواکمنو خځندو کې ګنل کېږي. دوی په خپلو لویو نېښونو سره پېژندل کېږي چې ښکر یې بلل کېږي. دوی دا ښکر د ملګرتیا ښودلو او له نورو سره د جګړې لپاره کاروي. کور ته د وړو وسایلو وړلو لپاره یې هم کاروي لکه دلته یې چې دا چاکو ور سره پورته کړی دی.

دا د عجیب او غریب هنر لرونکې خځنده پر دېوال ختلی شي او ویل کېږي چې په اخلي پخلي کې مرسته کوي. دلته یې د مکروني څو وچې لښتې نیولې دي.

براینټ هیله من دی چې د ده د دې ګونګټې له مشهورېدلو وروسته به خلک د خځندو پر اهمیت پوی شي. هغه وايي، چې له دې ګونګټې سره څومره مینه لري په خوله یې ویلی نه شي: “زه هیله من یم چې خلک خځندو ته د طبیعي نړۍ د برخې په سترګه وګوري، دوی ښایسته او په زړه پورې دي. هغه داسې ډاروونکې نه دي لکه تاسو چې فکر کوئ”.