د مور په اړه ځینې جالبې ویناوې

د مور په اړه ځینې جالبې ویناوې

 مورکه په چپ لاس زانګو خوځوي نو په ښې لاس نړۍ خوځوي
 په نړۍ کې ترټولو قيمت ترينه او صفا اوښکه دمور دسترګو اوښکه ده
 دمور له ژړا دابهتره ده چې ځوی وژاړي
 مور چې مړه شي پلار ړوند شي
 که پلار دې مړ شي نو ستا د سر بالخت ستا د مور څنګ دی او که مور دې وفات شوه نو بيا به د دروازې په لرګي سر ږدې .
 سړي هغه څوک دي چې ښځو جوړ کړي دي
 په نړۍ کې يو څيز دی چې له ښځې بهتر دی او هغه مور ده
 مور هغه څوک ده چې تا ته نه وايي چې ايا څه دې پکار دي که نه بلکه در کوي يي
 تر ټولو ستر کتاب چې لوستی مې دی هغه مور ده
 ډودۍ دپلار او اوبه دمور مثال لري
 کورونه پرته له صالحو ميندو هديرې دي
 مور له خپل ځان سره زياتی کوي ترڅو د خپل اولاد سره انصاف وکړي
 نړۍ پخپلی پراختیا سره دمور د زړه پراخوالي ته نه شي رسيدلای
 مور چې کله د خپل اولاد په روزنه کې ناکامه شي بله هيڅ کاميابي، کاميابي نه ګڼي.
 عمر سره ځکه مينه لرم چې پس له مرګه د مور اوښکه نشم ليدلای
 ماشوم خپله مور له تبسم څخه پيژني
 دټولنی مستقبل دمور په لاس کې دی، نو يواځينی شخص مور ده چې له ضايع کولو يي ژغورلی هم شي
 زه ترهغه مطمئن کيدای نشم چې ترڅو د مور غيږ سره نږدي ونه اوسم
 کله چې ماشوم دپلار سره مشابهت پيدا کړي له مور هر څه واخلي
 دمور مينه هيڅکله نه زړيږي
 که نړۍ هرڅومره وړه شي نو مور بياهم ستره ده نه وړيږي
 دمور لاس که وهل هم وکړي نو خوندور لاس بلل کيږي

ــــــــــــــــــــــــــــــ

محمد اکرم همت